Det var ein svært nøgd gjeng som vart teke bilete av rett etter treninga var ferdig.

No har begge landslaga G 15 og J 15 gjennomført to økter kvar, ei på føremiddagen og ei på ettermiddagen på bana i Eikefjorden. Begge laga var svært så nøgde med grasbana, trass alt vatnet som har fossa i frå himmelen i dei siste dagane. Banemann Even Hamn skal atter ein gong ha ros for arbeidet han har gjort med bana.

I morgon tysdag skal jentene ha ei roleg trening på føremiddagen i Gaular. Seinare på kvelden vert det kamp mot søta syster i Førde kl 17.30. Søta syster på si side kjem til Eikefjorden for å trene i morgon kl 11.00. Gutane skal spele mot kvarandre kl 15.00 i Førde.

Då er det berre å ynskje begge landslaga våre lukke til i morgon og oppmode om at flest mogleg tek turen til Førde for å sjå desse kampane.

PS. Når vi har fått så storfint besøk i frå sjølvaste hovudstaden, så ser vi i redaksjonen som vår oppgåve å spre litt kultur i frå vår eigen heimstad. I dag er det ordet “nøgd” som står på timeplanen. Nøgd =adj -gd el. -gt, -gde (pf pt av III nøye) tilfreds, fornøgd fulln- / misn- / smån- / vere n- med noko / vere n- med lite greie seg med lite / vere like n- like glad

Her er køyreplanen for tysdagen for alle fire laga:

Tysdag

Kl 11.00-13.00  J15 Norge . trening Sande/Osen

Kl 11.00-13.00 J15 Sverige trening i Eikefjorden

Kl 15.00      Kamp Norge – Sverige G15. Kampen går i Førde.

Kl 17.30      Kamp Norge – Sverige J15. Kampen går i Førde.

Usikker på kva du ser på biletet under? Då er det nok på tide å kome seg til optikar. I mellomtida så kan du berre trykkje ein gong på biletet, så kjem det større:)