På fredag gjesta Gaular grasmatta i Eikefjord, som låg bada i sol. Det var ein kamp som bølga ein del att og fram utan den heilt store underhaldninga. Eikefjord fekk ein bra start på kampen med 1-0 scoring av Dani Brandsøy etter 20 minutt. Det var også stillinga til pause.
I 2. omgang kom ei dårleg periode som resulterte i to baklengsmål. Dermed låg vi under 2-1 med 15 minutt igjen å spele. Det var nok mange på tribuna som frykta at Gaular skulle reise heim med alle tre poenga.
Men ein alltid målfarleg Sverre Martin Langedal ville det annleis. Med scoring i det 84. og 90. minutt, sikra han at alle tre poenga vart igjen i heimbygda.
